युनिकोड
नेपालमा गएको २४ घण्टामा ४ हजार ३६६ जनामा कोरोना भाइरसको संक्रमण पुष्टि भएको छ।
१० हजार ९८६ जनाको पीसीआर परीक्षण गर्दा ३ हजार ७०२ र १ हजार ७८४ जनाको एन्टिजेन परीक्षण गर्दा ६६४ जनामा संक्रमण पुष्टि भएको हो।
यो अवधिमा ६ हजार २०५ जना कोरोना संक्रमणमुक्त भएका छन्।
आज १०९ जनाको निधन भएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार आज काठमाडौं उपत्यकामा १ हजार ९३ संक्रमित थपिएका छन्। जसमा भक्तपुरमा ११३, ललितपुरमा १७६ र काठमाडौंमा ८०४ जना रहेका छन्।
आज देशभर सक्रिय संक्रमितको संख्या १ लाख ८ हजार ८९७ रहेको छ।
प्रतिक्रिया