सास फेर्न नसकेको भन्दै रामदेवले कोरोना संक्रमितको मजाक उडाएपछि‍‍‍...(भिडिओ)

हालै सार्वजनिक भएको एउटा भिडिओमा उनले भनेका छन्,‘भगवानले हामीलाई निशुल्क अक्सिजन दिएका छन् त्यहीँपनि मानिसहरुलाई सास फेर्न गाह्रो भइरहेको छ।’

सास फेर्न नसकेर मानिसहरु बाहिर सिलिन्डर खोजिरहेको पनि उल्लेख गरेका छन्।

हाल भारत कोरोनाबाट विश्वमै सबैभन्दा बढी प्रभावित राष्ट्र हो। यहाँ दैनिक ४ लाखभन्दा बढी कोरोना संक्रमित थपिरहेका छन् र सोही अवधिमा यहाँ ४ हजारको ज्यान गइरहेको छ।

एकैपटक धेरै कोरोना संक्रमित थपिएपछि स्वासप्रस्वासको समस्या देखिएका मानिसहरुलाई अक्सिजन अपरिहार्य छ।

अक्सिजन अभावकै कारण यहाँ धेरै मानिसहरुले ज्यान गुमाइरहेको समयमा रावदेवले कोरोना संक्रमितले सास फेर्न नसकेको भनेर मजाक उडाएपछि उनको भारतभर आलोचना भइरहेको छ।

उनले सास फेरेर देखाउँदै आफ्नो शरीरमा अक्सिजन यसरी भर्नुपर्छ पनि भनेका छन्। रावदेशवको भनाइ अमानवीय र गैरिजिम्मेवारपूर्ण भएको भनेर सामाजिक सन्जालमा प्रतिक्रिया आइरहेको छ।