युनिकोड
मोरङमा भएको मोटरसाइकल दुर्घटनामा एक जनाको ज्यान गएको छ। दुई जना घाइते भएको मोरङ प्रहरीले जनाएको छ।
आइतबार बिहान रतुवामाई नगरपालिका ९ स्थित आमबारी–उर्लाबारी सडक खण्डमा २ वटा मोटरसाईकल एकआपसमा ठक्कर खाई दुर्घटना भएको थियो।
प्र १–०२–०४१ प २६६४ नम्बरको मोटरसाइकल र विपरीत दिशाबाट आउँदै गरेको प्र १–०२–०४४ प २६०९ नम्बरको मोटरसाइकल एक आपसमा ठक्कर खाई दुर्घटना भएको थियो।
दुर्घटनामा गम्भीर घाइते भएका २६६४ नम्बरको मोटरसाइकल चालक रतुवामाई नगरपालिका ७ गडिझार का २७ वर्षीय ललित कट्वालको अरनिको अस्पताल उर्लाबारीमा पौने ११ बजे उपचारको क्रममा मृत्यु भएको हो।
२६०९ नम्बरको मोटरसाइकल चालक रंगेली नगरपालिका ५ का २१ वर्षीय मनजय ठाकुर र सोही मोटरसाइकलमा पछाडि सवार बेलबारी नगरपालिका ३ का ३० वर्षीय नबिन ठाकुर घाईते भएका छन्।
उनीहरुको अरनिको अस्पतालमा उपचार भइरहेको इलाका प्रहरी कार्यालय सिजुवाले जनाएको छ।
दुर्घटनामा संलग्न दुवै मोटरसाइकल प्रहरीको नियन्त्रणमा छन्।
प्रतिक्रिया