युनिकोड
गण्डकी र बागमती प्रदेशमा झन्डै ५ घण्टादेखि निरन्तर वर्षा भइरहेको मौसमविद्ले बताएका छन्।
मौसम पूर्वानुमान महाशाखाका मौसमविद् समीर श्रेष्ठका अनुसार गण्डकी प्रदेशको पहाडी भेग र बागमती प्रदेशका काठमाडौंसहित सबै स्थानमा राति २ बजेदेखि वर्षा भइरहेको हो।
‘मध्यम वर्षा भइरहेको हो,’ मौसमसविद् श्रेष्ठले आज (आइतबार) बिहान ७ बजेतिर नेपालखबरसँग भने, ‘अब यो एक/डेढ घण्टापछि रोकिने सम्भावना छ।’
दिउँसो वा अपराह्नपपछि भने फेरि देशभरकै पहाडी क्षेत्रमा हावाहुरीसहित वर्षा हुने सम्भावना रहेको उनले जानकारी दिए।
मौसमविद् श्रेष्ठका अनुसार २/३ दिनसम्म मौसम यस्तै रहने सम्भावना छ।
‘निरन्तर वर्षा हुने त होइन, मौसम बदली हुने र दिउँसोपछि मेघगर्जनसहित वर्षा हुने क्रम जारी रहने देखिएको छ,’ उनले भने।
मौसम पूर्वानुमान महाशाखाले आइतबार बिहान ६ बजे आगामी २४ घण्टाका लागि चेतावनी तथा परामर्श जारी गरेको छ।
जसमा भनिएको छ, ‘देशका पहाडी भूभागका केही स्थानमा मेघगर्जन/चट्याङ/हावाहुरीसहित क्षणिक वर्षाको सम्भावना रहेकाले आवश्यक सतर्कता अपनाउन हुन अनुरोध छ।’
मौसमविद् श्रेष्ठका अनुसार मेघगर्जन गराउने बादलले नै हावाहुरी ल्याउने हो।
प्रतिक्रिया