कलंकीमा मोटरसाइकल दुर्घटना, एक जनाको मृत्यु

काठमाडौंको कलंकीमा गएराति मोटरसाइकल दुर्घटना हुँदा एक जनाको मृत्यु भएको छ।

बा ६१ प १५३५ नम्बरको मोटरसाइकल अनियन्त्रित भएर सडकमै पल्टिँदा कीर्तिपुर नगरपालिका १० बाघभैरवका ५० वर्षी राजमान महर्जनको मृत्यु भएको प्रहरीले जनाएको छ।

दुर्घटनामा गम्भीर घाइते भएका महर्जनको नेपाल नेशनल अस्पताल कलंकीमा उपचारको क्रममा मृत्यु भएको हो। प्रहरीका अनुसार मोटरसाइकलमा उनी एक्लै सवार थिए।