बाँसझ्याङमा आगो सल्कँदा वृद्धाको मृत्यु

तेह्रथुम म्याङलुङ नगरपालिका ३ नागदह बस्ने ७२ वर्षीया फूलमाया ढुंगानाको आगोले जलेर मृत्यु भएको छ।

आज बिहान साढे ९ बजे उनी घरदेखि नजिक आफ्नै बारीमा सुकेका झ्यास, झिक्रा डढाउने क्रममा सो आगो नजिकै रहेको बाँसझ्याङमा पुगेको थियो।

बाँसझ्याङमा आगो सल्किएको थाहा पाई स्थानीय किशोरप्रसाद सिग्देल र फूलमायाकी जेठी बुहारीसँगै आगो निभाउने क्रममा फूलमायालाई आगोले पालेको थियो। 

बाँसझ्याङमा खोल्सी परेको स्थानमा फूलमायाको शरीरको कपडा पूर्णरुपमा जलिसको अवस्थामा उनको शव फेला परेको जिल्ला प्रहरी कार्यालय तेह्रथुमले जनाएको छ। घटना सम्बन्धमा थप अनुसन्धान भइरहेको सो कार्यालयले जनाएको छ।