युनिकोड
अज्ञात समूहले झापाको बिर्तामोडस्थित वडा कार्यालयको भवनमा सोमबार बिहान बम विष्फोट गराएको छ।
बिर्तामोड नगरपालिकाको ७, ८ र ९ नम्बर वडाको संयुक्त वडा कार्यालयमा बिहान ४ः३० बजे बम विष्फोट भएको इलाका प्रहरी कार्यालय अनारमनीले जनाएको छ।
प्रहरी निरीक्षक सुनिल श्रेष्ठका अनुसार गरामनीमा रहेको संयुक्त वडा कार्यालयमा बम विष्फोट हुँदा कार्यालयको झ्याल भत्किएको छ।
विष्फोट कसले गराएको हो पहिचान नभएको श्रेष्ठले बताए। घटनालगत्तै प्रहरीले अनुसन्धान शुरु गरेको प्रहरी निरीक्षक श्रेष्ठको भनाइ छ।
बम विष्फोटबाट कार्यालयको बाहिरी भवनमा क्षति पुगे पनि कागजात भने सुरक्षित रहेको प्रहरीले जनाएको छ।
प्रतिक्रिया