त्रिशूली किनारमा महिला र बालकको शव फेला

तनहुँको देवघाट गाउँपालिका–५ भुवनटारस्थित त्रिशूली नदीमा एक महिला र बालकको शव फेला परेको छ।

नदी किनारमा शुक्रबार अन्दाजी २५/२६ वर्षीया महिला र छ/सात वर्षको बालकको शव फेला परेको प्रहरी नायब उपरीक्षक लीलाराज लामिछानेले जानकारी दिए।

मृत फेला परेका महिला र बालकको नाम र ठेगाना खुल्न सकेको छैन।

नदी किनारमा स्थानीयवासीले शव देखेपछि प्रहरीलाई खबर गरेका थिए।

घटनाबारे अनुसन्धान थालिएको जिल्ला प्रहरी कार्यालय तनहुँले जनाएको छ।