युनिकोड
अख्तियार दुरुपयोग अनुसन्धान आयोगले नेपाल औषधि व्यवस्था विभाग विराटनगरमा कार्यरत एक अधिकृतलाई घुस रकमसहित पक्राउ गरेको छ।
आयोगको कार्यालय इटहरीबाट खटिएको टोलीले विभागका अधिकृत सरोज सुवेदीलाई दुई लाख रुपैयाँ घुस रकमसहित विराटनगर–३ दूधफारम अगाडिबाट पक्राउ गरेको हो। सुवेदीलाई रंगेहात पक्राउ गरिएको आयोगका प्रवक्ता नारायणप्रसाद रिसालले जानकारी दिए।
कारवाही परी बन्द गरिएको फार्मेसीको मुद्दा मिलाइदिने भन्दै उनले घुस लिएको आरोप छ। घुस लिने क्रममा घुस रकमसहित आयोगको ‘स्टिङ अपरेसन’ टोलीले उनलाई पक्राउ गरेको हो।
करारका कर्मचारी रहेका सुवेदी विगत डेढ वर्ष अगाडि विभागको विराटनगर कार्यालयमा आएका हुन्।
प्रतिक्रिया