युनिकोड
युवतीलाई जबर्जस्ती करणी गरेर नग्न तस्बिर खिचेको आरोपमा रुपन्देहीबाट एक ट्राफिक जवानसहित दुई जना पक्राउ परेका छन्।
तीन महिनाअघि रुपन्देहीको कञ्चन गाउँपालिका- ४ निवासी एक युवतीलाई सामूहिक बलात्कार गरेर नांगो तस्बिर खिचेको आरोपमा ट्राफिक प्रहरी जवान विशाल शर्मा र गुरुचरण चौधरी पक्राउ परेका हुन्।
उनीहरु दुबै कपिलवस्तुको बाणगंगा नगरपालिका निवासी भएका रुपन्देहीका प्रहरी प्रमुख एसपी प्रवीण पोखरेलले जानकारी दिए।
शर्मा र चौधरीसहित चार जनाले गएको कात्तिक २३ गते राति कञ्चन गाउँपालिका- ४ भैसाहीमा दुईजना दिदी बहिनीसँगै बसेको बेला एक जनामाथि सामूहिक करणी गरेका र अर्कीको नग्न तस्बिर खिचेर सार्वजनिक गरेको आरोप लागेको छ।
घटनामा संलग्न अन्य दुईजना फरार रहेका छन्। उनीहरुको खोजी भइरहेको एसपी पोखरेलले बताए।
प्रतिक्रिया