कोरोनाविरुद्ध खोप ल्याउन ठोस पहल नगरेको भन्दै सरकारलाई डा. पाण्डेका ५ प्रश्न

जनस्वास्थ्यविद् डा. रवीन्द्र पाण्डेले कोरोना भाइरसविरुद्धको खोप ल्याउन सरकारले ठोस पहल नगरेको आरोप लगाएका छन्।

सबैजसो देशले खोपका लागि सम्झौता गरिसकेको उल्लेख गर्दै डा. पाण्डेले सरकारसमक्ष ५ प्रश्न गरेका हुन्। 

सामाजिक सञ्जालमार्फत उनले भनेका छन् :

नेपालमा कोरोना भाइरसविरुद्धको खोप ल्याउने विषयमा ठोस पहल अझै सुरु भएको छैन, ठोस पहल हुनाका लागि- 
१. हामीले कुन देशमा उत्पादन भएको कुन-कुन कम्पनीका खोप किन्ने?

२. ती देश वा कम्पनीसँग प्रि-बुकिङ कहिले गर्ने?

३. कुन-कुन कम्पनीका खोप कुन-कुन महिनामा आउँछन्?

४. हामीलाई चाहिने डोजको पैसा तिरेर एग्रिमेन्ट गरेको खै?

५. निजी क्षेत्रलाई केही प्रतिशत अधिकार दिने हो भने कुन-कुन मापदण्ड भएका संस्थालाई कुन-कुन खोप ल्याउन कहिले भन्ने?

सबैजसो देशले खोप प्रि-बुकिङ गरेर तथा टोकन लिएर लाइनमा ग्यालेन राखेर बसेका छन्, हाम्रो ग्यालेन समयमै राखे पो पालो छिटो आउँछ। 

खोप छिटो ल्याउन दबाब दिनु हामी सबै नागरिकको प्राथमिक कर्तव्य हाे।