युनिकोड
सुनसरीको धरानमा एटीएम तोडफोड प्रयास गरेका एक व्यक्ति पक्राउ परेका छन्।
धरान उपमहानगरपालिका १२ स्थित एनआईसी एशिया बैंकको एटीएम बुथ तोडफोड गर्ने प्रयास गरेको आरोपमा कोशी गाउँपालिका–३ का २३ वर्षीय सुभान मनसुरीलाई प्रहरीले पक्राउ गरेको हो।
सोमबार साँझ एटीएम बुथ तोडफोड गर्ने प्रयास गरेको भन्ने बैंकले प्रहरीलाई जानकारी गराएको थियो।
सीसीटीभी फुटेज संकलन गरी खोजी गर्ने क्रममा सुभानलाई धरान उपमहानगरपालिका १८ घोपाबाट प्रहरीले पक्राउ गरेको जनाएको छ।
यस सम्बन्धमा प्रहरीले थप अनुसन्धान गरिरहेको छ।
प्रतिक्रिया