युनिकोड
गुल्मीको रेसुंगामा ट्रकको ठक्करबाट दुई जना युवाको मृत्यु भएको छ।
रेसुंगा नगरपालिका १३ मसिनेखोलमा ना ५ ख ३२०४ नम्बरको ट्रकले ठक्कर दिँदा २३ वर्षीय बालकृष्ण भुजेल र २४ वर्षीय टोपबहादुर रजालीको मृत्यु भएको प्रहरीले जनाएको छ।
जिल्ला प्रहरी कार्यालय गुल्मीका अनुसार रेसुंगाबाट तम्घास जाँदै गरेको ट्रकले रेसुंगा नगरपालिका १३ मसिने खोलामा भुजेल र रजालीलाई ठक्कर दिएको हो।
ट्रकको ठक्करबाट उनीहरुको घटनास्थलमै मृत्यु भएको जिल्ला प्रहरी कार्यालय गुल्मीका प्रहरी उपरिक्षक प्रविणलाल श्रेष्ठले जानकारी दिए।
दुर्घटनापछि ठक्कर दिने ट्रक र त्यसका चालक गोपाल टण्डनलाई प्रहरीले पक्राउ गरेको छ।
प्रतिक्रिया