पोखरामा थप दुई कोरोना संक्रमितको मृत्यु भएको छ।
प्रदेश स्वास्थ्य निर्देशनालयका अनुसार पोखरा स्वास्थ्य विज्ञान प्रतिष्ठानमा उपचाररत स्याङ्जाकी महिला र तनहुँका पुरुषको बुधबार साँझ मृत्यु भएको हो।
प्रदेश स्वास्थ्य निर्देशनालयका निर्देशक डा. विनोदविन्दु शर्माका अनुसार तनहुँको म्याग्दे गाउँपालिका–५ का ७३ वर्षीय पुरुषको मृत्यु भएको हो। उनमा बुधबार नै कोरोना पुष्टि भएको थियो।
त्यस्तै पुस ९ गते कोरोना पुष्टि भएकी स्याङजाको फेदीखोला गाउँपालिका–१ कि ७४ वर्षीया महिलाको मृत्यु भएको हो
यससँगै गण्डकीमा कोरोना संक्रमणबाट मृत्यु हुनेको संख्या १९० पुगेको प्रदेश स्वास्थ्य निर्देशनालयले जनाएको छ।
प्रतिक्रिया