गण्डकी प्रदेशमा कोरोना संक्रमणबाट थप एक जनाको मृत्यु भएको छ।
प्रदेश स्वास्थ्य निर्देशनालयका अनुसार पोखरा महानगरपालिका १० का ७५ वर्षीय पुरुषको निधन भएको हो।
बिहीबार कोरोना पुष्टि भएका ती पुरुषको पोखरा स्वास्थ्य विज्ञान प्रतिष्ठान, पश्चिमाञ्चल क्षेत्री अस्पतालको कोघिड उपचार केन्द्रमा उपचारका क्रममा शुक्रबार बिहान ९.१५ बजे मृत्यु भएको हो।
योसँगै गण्डकीमा कोरोना संक्रमणका कारण मृत्यु हुनेको संख्या १८१ पुगेको प्रदेश स्वास्थ्य निर्देशनालयले जनाएको छ।
त्यस्तै शुक्रबार गण्डकी प्रदेशमा थप ५६ जनामा कोरोना भाइरसको संक्रमण पुष्टि भएको छ, योसँगै गण्डकीमा कोरोना संक्रमितको संख्या १३ हजार १३५ पुगेको छ।
प्रतिक्रिया