पछिल्लो २४ घण्टामा २३ संक्रमितको मृत्यु, १३ सय ८२ मा कोरोना पुष्टि

नेपालमा पछिल्लो २४ घण्टामा थप १ हजार ३८२ जनामा कोरोना भाइरसको संक्रमण देखिएको छ।

स्वास्थ्य तथा जनसंख्या मन्त्रालयले मंगलबार दिएको जानकारी अनुसार ८ हजार ९४७ को पीसीआर परीक्षण गर्दा १ हजार ३८२ जनामा कोरोना संक्रमण देखिएको हो।

योसँगै नेपालमा कोरोना संक्रमितको संख्या २ लाख ४३ हजार ३७७ पुगेको छ भने सक्रिय संक्रमितको संख्या १२ हजार ६८६ रहेको छ।

पछिल्लो २४ घण्टामा थप १ हजार ६२१ जना कोरोना संक्रमित निको भएको मन्त्रालयले जनाएको छ। योसँगै कोरोना निको हुनेको संख्या २ लाख २९ हजार ५४ पुगेको छ।

मन्त्रालयका अनुसार गत २४ घण्टामा थप २३ जनाको जना संक्रमितको मृत्यु भएको छ। योसँगै नेपालमा कोरोनाका कारण ज्यान गुमाउनेको संख्या १ हजार ६३७ पुगेको छ।