युनिकोड
इन्डोनेसियामा भयंकर ज्वालमुखी विस्फोट भएको छ।
अन्तर्राष्ट्रिय सञ्चारमाध्यमका अनुसार इन्डानेसियाको पूर्वी नुसा तेंगारा प्रान्तको इली लेभेतलो आइतबार ज्वालामुखी फुटेको हो।
समाचार एजेन्सी आइएएनएसका अनुसार ज्वालामुखी विस्फोटका कारण ४ हजार मिटर उचाइसम्म धुवाँ र खरानीको मुस्लो देखिएको थियो।
जसले त्यस क्षेत्रको पर्यावरणमा ठूलो प्रभाव परेको बताइएको छ।
सामाचार एजेन्सी सिन्ह्वाका अनुसार ज्वालामुखी विस्फोटपछि आसपासका क्षेत्रमा उच्च सतर्कता अपनाउन निर्देशन जारी गरिएको छ।
समुद्री सतहबाट १ हजार १८ मिटर उचाइमा विस्फोट भएको ज्वालामुखी आसपासबाट २ किलोमिटरको क्षेत्रसम्म कुनै गतिविधि नगर्न भनिएको छ।
विस्फोटपछि आसपासका २६ गाउँका २ हजार ७ सय ६० जनाले घर छाडेका छन्। विस्फोटमा कोही हताहत भएको जानकारी प्राप्त भएको छैन।
प्रतिक्रिया