कोरोना संक्रमणबाट १९ वर्षीया सुत्केरीको मृत्यु

सुनसरीको धरानस्थित बिपी कोइराला स्वास्थ्य विज्ञान प्रतिष्ठानमा कोरोना संक्रमणबाट १९ वर्षीया युवतीको मृत्यु भएको छ।

सुनसरीको बराहक्षेत्र नगरपालिका-५ की किशोरीको शनिबार उपचारका क्रममा मृत्यु भएको अस्पताल प्रशासनले जनाएको छ।।

प्रतिष्ठानका सहप्रवक्ता डा.आशिष श्रेष्ठका अनुसार, पाँच दिनअघि सुत्केरी भएकी उनलाई शक्रबार मात्र कोभिड अस्पताल भर्ना गरिएको थियो।

शुक्रबार नै उनको कोरोना पोजिटिभ रिपोर्ट आएको थियो । यससँगै प्रतिष्ठानमा मृत्यु हुनेको सङ्ख्या ९८ पुगेको छ।