भारतको आग्रामा सडक दुर्घटना, तीन नेपालीको मृत्यु

भारतको आग्रामा भएको सडक दुर्घटनामा परेर तीन नेपालीको मृत्यु भएको छ।

मंगलबार राति भएको सवारी दुर्घटनामा दिल्लीबाट सुनौली आउन लागेको कार आग्रा एक्सप्रेस वेमा ट्रकसँग ठोक्किँदा ३ जनाको मृत्यु भएको नमस्ते-सुपा देउराली टुरका सञ्चालक दिल खत्रीले दिए। खत्रीका अनुसार दुई जनाको घटना स्थलमै र एक जनाको अस्पतालमा उपचारका क्रममा मृत्यु भएको हो।

सात जना सवार उक्त कारमा रहेका अन्य चार जना भने घाइते भएको र धाइतेमध्ये दुई जनाको दिल्ली र दुई जनाको स्थानीय कृष्ण अस्पतालमा उपचार भइरहेको खत्रीले जानकारी दिए। घाइतेमध्ये एक जनाको अवस्था सामान्य रहेको छ।

मृतकमध्ये अहिलेसम्म एक जनाको मात्रै सनाखत भएको छ। अहिले मृतक र घाइतेको आफ्न्तसँग सम्पर्क गर्ने तयारी भइरहेको खत्रीले जानकारी दिए।