काठमाडौँ उपत्यकामा थपिए १४ सय २० कोरोना संक्रमित

काठमाडौँ उपत्यकामा पछिल्लो २४ घण्टामा थप १ हजार ४२० जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयले मंगलबार अपरान्ह दिएको जानकारी अनुसार उपत्यकाका तीन जिल्लामा थप १ हजार ४२० जनामा कोरोना पुष्टि भएको हो।

मन्त्रालयका अनुसार उपत्यकाका काठमाडौँमा १ हजार १४१, भक्तपुरमा ८६ र ललितपुरमा १९३ संक्रमित थपिएका हुन्।

मन्त्रालयका अनुसार आज देभरमा २ हजार ७३६ जनामा कोरोना पुष्टि भएको छ।

योसँगै नेपालमा कोरोना संक्रमितको संख्या १ लाख ९९ हजार ७६० पुगेको छ।