थप २७ सय ३६ जनामा कोरोना पुष्टि, २२ जनाको मृत्यु

नेपालमा पछिल्लो २४ घण्टामा थप २ हजार ७३६ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयले मंगलबार अपरान्ह दिएको जानकारी अनुसार १२ हजार ९६० को परीक्षण गर्दा २ हअजार ७३६ जनामा कोरोना पुष्टि भएको हो।

योसँगै नेपालमा कोरोना संक्रमितको संख्या १ लाख ९९ हजार ७६० पुगेको छ।

पछिल्लो २४ घण्टामा थप ८५३ जना कोरोना संक्रमित निको भएका छन्। योसँगै निको हुनेको संख्या १ लाख ६० हजार ५७७ पुगेको छ।

त्यस्तै पछिल्लो २४ घण्टामा थप २२ जना संक्रमितको निधन भएको छ। योसँगै कोरोनाका कारण मृत्यु हुनेका संख्या १ हजार १४८ पुगेको छ।