युनिकोड
‘बोक्सी’को आरोपमा महिलामाथि निर्घात कुटपिट गरेको आरोपमा फरार रहेका एक व्यक्ति पक्राउ परेका छन्।
सिरहाको नवराज गाउँपालिका ५ का २० वर्षीय सन्तोष यादव पक्राउ परेका हुन्। उनीसहितका ८ जनाले गाउँकै महिलालाई राति बोलाएर निर्घात कुटपीट गरेका थिए।
उनीहरुले गत भदौ २७ गते मुर्तीदेवी यादवलाई राति धर्मनाथ यादवको घरमा लगि सामुहिक रुपमा कुटपिट गरेका थिए। कुटपिटबाट महिलाको २ ओटा दाँत भाँचिएका छन्।
सन्तोषलाई प्रदेश नं २ प्रहरी र जिल्ला प्रहरी कार्यालय सिरहाको टोलीले नेपाल–भारत सीमा ठाँडीबाट पक्राउ गरेको डीआईजी धिरजप्रताप सिंहले बताए।
प्रतिक्रिया