कोरोना नियन्त्रणका लागि लागू प्रतिबन्ध खुलाउन माग गर्दै ३८ हजार जर्मनी सडकमा

जर्मनीमा कोरोना नियन्त्रणका लागि सरकारले लागू गरेको प्रतिबन्ध खुलाउन माग गर्दै विशाल जनप्रदर्शन गरिएको छ।

जर्मनीको बर्लिनमा भएको विरोध प्रदर्शनमा सहभागी ३ सय जनालाई त्यहाँको प्रहरीले पक्राउ गरेको छ।

बीबीसीका अनुसार शान्तिपूर्ण प्रदर्शनमा ३८ हजार मानिस सहभागी छन्।

कोरोना भाइरसका नाममा सार्वजनिक जीवनमा प्रतिबन्ध लगाउन नहुने माग उनीहरूले गरेका छन्।

साथै लन्डन, पेरिस, भियना, ज्युरिचलगायत युरोपका अन्य सहरमा पनि यस्ता प्रदर्शन भइरहेको अन्तर्राष्ट्रिय सञ्चारमाध्यमले जनाएका छन्।