नेपालमा भयावह बन्दै कोरोना, एक रातमै ३ जनाको मृत्यु

नेपालमा कोरोना संक्रमणबाट मृत्यु हुने क्रम बढ्दै गएको छ। 

बुधबार बिहान ९ बजेसम्म प्राप्त विवरणअनुसार मंगलबार राति मात्रै यही कारण तीन जनाको ज्यान गएको छ।

बाँकेको नेपालगन्जमा ३७ वर्षीय पुरुष, पाटन अस्पतालमा ५४ वर्षीय पुरुष नै र विराटनगरस्थित विराट मेडिकल कलेजमा ४४ वर्षीया महिलाको मृत्यु भएको हो।

मंगलबार दिउँसो मात्र भर्ना भएकी ती महिलाकाे उपचार क्रममा राति ८ बजे मृत्यु भएको अस्पताल प्रशासनले जनाएकाे छ।