युनिकोड
काठमाडौंमा अन्य गतिविधि निषेध गरिएको भए पनि अत्यावश्यक सेवामध्ये पानी र औषधि तथा स्वास्थ्य सामग्री बिक्री वितरण भने २४ घण्टा खुला रहनेछ।
अत्यावश्यक वस्तु वा सेवामध्ये औषधि, पानी र स्वास्थ्य सामग्री बिक्री वितरण गर्ने पसल जुनसुकै समयमा पनि खुला गर्न पाइने काठमाडौं जिल्ला प्रशासन कार्यालयले आइतबार विज्ञप्ति जारी गरी जानकारी दिएको हो।
विज्ञप्तिअनुसार अत्यावश्य वस्तु र सेवामध्ये खाद्य वस्तु, दुग्धजन्य पदार्थ, फलफूल, तरकारी, माछामासु आदि बिक्री वितरण गर्ने पसल भने बिहान ९:१५ बजेसम्म खोल्न पाइनेछ।
यसरी व्यवसाय सञ्चालन गर्दा अनिवार्य रूपमा सामाजिक दूरी कायम राख्नुपर्ने, मास्क र सेनिटाइजरको प्रयोगलगायत स्वास्थ्य मापदण्डको पूर्ण कार्यान्वयन गर्नुपर्ने सहायक प्रमुख जिल्ला अधिकारी तुलसीराम पौडेलद्धारा जारी विज्ञप्तिमा उल्लेख छ।
स्थानीय प्रशासन ऐन २०२८ को दफा ६ ९३० र सङ्क्रामक रोग ऐन २०२० को दफा २ बमोजिम यही भदौ ३ गते राति १२:०० बजेदेखि भदौ १० गते राति १२:०० बजेसम्मका लागि उपत्यकाभर लागू हुने गरी अत्यावश्यकबाहेक गतिविधिमा निषेधको आदेश जारी भएको हो। कोरोना महामारी नियन्त्रणका लागि निषेधाज्ञा जारी गरिएको हो।
प्रतिक्रिया