युनिकोड
प्रदेश २ मा शनिबार १९४ जना कोरोना संक्रमित थपिएका छन्।
धनुषामा ३२ जना, सर्लाहीमा ५४ जना, पर्सामा ४८ जना, सप्तरीमा २७ जना, महोत्तरीमा १४ जना, सिरहामा ११ जना, रौतहटमा ५ र बारामा ३ जना संक्रमित थपिएको प्रदेश २ स्वास्थ्य निर्देशनालयले जनाएको छ।
संक्रमित फेला पर्ने मध्ये ३७ जना महिला छन्। योसँगै प्रदेश २ मा कोरोना संक्रमितको संख्या ६ हजार ८२१ पुगेको छ।
यस्तै पछिल्लो २४ घण्टामा पर्सा जिल्लाको वीरगञ्ज महानगरपालिका १ का ६० वर्षीय पुरुषको कोरोना संक्रमणबाट मृत्यु भएको निर्देशनालयका वरिष्ट अधिकृत विजय झाले जानकारी दिए। योसँगै प्रदेश २ मा कोरोना संक्रमणबाट मृत्यु हुनेको संख्या ४३ पुगेको छ।
उनका अनुसार पछिल्लो २४ घण्टामा उपचारपश्चात ११ महिलासहित ६४ जना संक्रमित निको भएर विभिन्न आइसोलेसन र अस्पतालबाट डिस्चार्ज भएका छन्।
प्रतिक्रिया