कोरोना संक्रमणका कारण पाटन अस्पतालमा एक महिलाको मृत्यु

ललितपुरको पाटन अस्पतालमा कोरोना संक्रमित एक महिलाको मृत्यु भएको छ।

 ३८ वर्षीय महिलाको मंगलबार राति उपचारका क्रममा मृत्यु भएको हो। उनी जनकपुरकी हुन्। गएराती १ बजे मृत्यु भएको अस्पतालका निर्देशक डाक्टर बिष्णुप्रसाद शर्माले जानकारी  दिए।

‘जनकपुरकी ३८ वर्षीया महिलाको गए राति १ बजे मृत्यु भएको छ,’ शर्माले नेपालखबरसँग भने, ‘मेनेन्जो-इन्सेफलाइटिसकी बिरामी ती महिलालाई साउन १८ गते अस्पतालमा भर्ना गरिएको थियो, उनलाई कोभिड पोजिटिभ पनि थियो।’