युनिकोड
काठमाडौं उपत्यकामा पछिल्लो २४ घण्टामा काठमाडौं उपत्यकामा ५१ जनामा कोरोना संक्रमण देखिएको छ।
स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार पछिल्लो २४ घण्टामा काठमाडौंमा ४३ सहित ललितपुरका ३ तथा भक्तपुरका ५ जनामा कोरोना संक्रमण भेटिएको हो।
राष्ट्रिय जनस्वास्थ्य प्रयोगशाला टेकुमा भक्तपुरका १ जना, काठमाडौंका ८ जनामा कोरोना पुष्टि भएको छ।
शुक्रराज ट्रपिकल तथा सरुवा रोग अस्पताल टेकु प्रयोगशालामा काठमाडौंका १७ जनामा, पाटन अस्पताल प्रयोगशाला ललितपुरमा काठमाडौंका ५ जना, ललितपुरका २ जना, भक्तपुरका ४ जनामा संक्रमण पुष्टि भएको छ।
त्यस्तै वीर अस्पताल प्रयोगशाला काठमाडौंका २ जना, त्रिवि शिक्षण अस्पताल महाराजगञ्ज प्रयोगशालामा काठमाडौंका १ जना, नेपाल प्रहरी अस्पताल प्रयोगशालामा काठमाडौंका २ जना, स्टार अस्पताल प्रयोगशाला सानेपामा काठमाडौंका ५ जना र ललितपुरका १ जनामा कोरोना पुष्टि भएको छ।
यस्तै वीरेन्द्र अस्पताल छाउनीमा काठमाडौंका ३ जनामा कोरोना पुष्टि भएको हो।
प्रतिक्रिया