युनिकोड
आज (शुक्रबार) राति पनि देशका धेरै स्थानमा हल्कादेखि मध्यम र केही ठाउँमा ठूलो वर्षा हुने सम्भावना रहेको मौसम पूर्वानुमान महाशाखाले जनाएको छ।
महाशाखाले अघि साँझ ६ बजे जारी गरेको मौसम पूर्वानुमान बुलेटिनअनुसार प्रदेश १, प्रदेश २, सुदूरपश्चिम र प्रदेश ५ का एक वा दुई स्थानमा भारी वर्षाको सम्भावना छ।
महाशाखाका अनुसार दिउँसैदेखि देशका कतिपय स्थानमा वर्षा भइरहेको छ।
शनिबार बिहान ६ बजेसम्मका लागि २४ घण्टे चेतावनी दिँदै महाशाखाले वर्षा हुने स्थानका नदीमा पानीको बहाव बढ्ने, पहाडी क्षेत्रमा भूक्षय हुने, पहिरो जाने, सडक तथा हवाई यातायात प्रभावित हुने तथा ढल/पानीको राम्रो निकास नभएका ठाउँमा डुबानसमेत हुन सक्ने भएकाले सतर्कता अपनाउन हुन अनुरोध गरेकाे छ।
यसैगरी भोलि दिउँसो पनि देशका धेरै स्थानमा हल्कादेखि मध्यम र प्रदेश १, २, गण्डकी, ५ नम्बर र सुदूरपश्चिम प्रदेशका एक वा दुई स्थानमा भारी वर्षाको सम्भावना रहेकाे महाशाखाले बुलेटिनमा उल्लेख गरेकाे छ।
प्रतिक्रिया