युनिकोड
अस्ट्रेलियामा गतवर्ष महिनौंसम्म आगलागी भएको थियो। झाडीमा लागेको आगोले विकराल रुप लिएको थियो।
डब्लूडब्लूएफको समन्वयमा भएको अनुसन्धानका क्रममा अस्ट्रेलियामा अरबौं जनावर मरेको अथवा प्रभावित बनेको देखिएको हो।
सो आगलागीमा परेर ३३ मानिसको समेत मृत्यु भएको थियो। अनगिन्ती स्तनपायी, सरीसृप, चरा तथा भ्यागुताका प्रजातिहरु आगलागीमा परेर मरेको बताइएको छ।
गत जनवरीमा गरिएको अनुसन्धानमा न्यु साउथ वेल्स र भिक्टोरियामा मात्र १ अर्ब २५ करोड जनावर मरेको बताइएको थियो।
आगलागीले ११.४६ मिलियन हेक्टर जमीन खरानी भएको थियो।
डब्लूडब्लूएफले आधुनिक इतिहासको सबैभन्दा खराब वन्यजीव प्रकोपको रुपमा यस आगलागीलाई हेरेको छ। बीबीसी
प्रतिक्रिया