कारको ठक्करबाट पैदल यात्रीको मृत्यु

मकवानपुरमा कारको ठक्करबाट पैदल यात्रीको मृत्यु भएको छ।

मनहरी गाउँपालिका ७ बिजौनामा बा २१ च ६६४२ नम्बरको कारले ठक्कर दिँदा ५० वर्षीय पुरुषको मृत्यु भएको जिल्ला प्रहरी कार्यालय मकवानपुरले जनाएको छ।

ज्यान गुमाउनेको सनाखत हुन नखुलेको जिल्ला प्रहरी कार्यालय मकवानपुरका प्रहरी नायब उपरीक्षक इन्द्रबहादुर रानाले जानकारी दिए।

ठक्करबाट गम्भीर घाइते पुरुषको उपचारका क्रममा चुरेहिल हस्पिटल हेटौंडामा मृत्यु भएको हो। दुर्घटनापछि कार र त्यसका चालकलाई नियन्त्रणमा लिइएको प्रहरीले जनाएको छ।