काठमाडौं महानगरपालिका, समाजिक विकास विभागका नायव सुब्बा (पाचौँ तह) कृष्ण प्रसाद सोती एक लाख ७ हजार रुपैयाँ घुस रकमसहित पक्राउ परेका छन्।
महानगरको नगर कार्यपालिका कार्यालय बबरमहलमा कार्यरत नासु सोतीले सेवाग्राहीसँग सामाजिक विकास विभाग मार्फत कायान्वयनमा आएको रकमको कार्य सम्पादन गरी रकम भुक्तानी गरे वापत घुस माग गरेको अख्तियार दुरुपयोग अनुसन्धान आयोगले जनाएको छ।
विशेष सूचना एवं उजुरीको आधारमा आयोगको टङ्गालबाट खटिई गएको टोलीले सोतीलाई सेवाग्राहीसँग लिएकाे घुस वापतको रकमसहित कार्यालयबाटै रङ्गेहात नियन्त्रणमा लिएको हो।
उनीमाथि थप अनुसन्धान भइरहेको आयोगले जनाएको छ।
प्रतिक्रिया