मैले चामल बेचेर बेसार किनेँ

कोरोना आ’छ अरे,
यसले मान्छे मार्छ भन्छन्
छैन भन्छन् औषधि पनि यसको ,
सुन्छु, बेसारले यो निको हुन्छ रे
त्यसैले त मैले पनि चामल बेचेर बेसार ल्याएँ।

मन्त्रीहरु बैठक बस्छन् अरे,
तिनले बन्दाबन्दी थप्छन् अरे
मेरो धोती फाटेको छ यसपाली,
तर, म धोती किन्दिनँ, मलाहा किनेर ल्याउँछु,
चामल बेच्छु अनि बेसार किनेर ल्याउँछु।

म मजदुर, गर्न पाइनँ मैले काम,
काम नगरी मैले राहत मागिखान पर्छ अरे
काम गरिखान पनि नपाइने रै’छ अब,
सुन्छु, सरकारले नै पाल्छ अरे हामीलाई
त्यसैले, मैले पनि चामल बेचेर बेसार ल्याएँ