युनिकोड
काभ्रेपलाञ्चोकको बुच्चाकोटमा भएको बस दुर्घटनामा मृत्यु हुने आठमध्ये चार जनाको सनाखत भएको छ। जसमा एक जना नेपाली सेनाका अमल्दार पनि छ।
सनाखत हुनेमा अमल्दार दैलेखका बमबहादुर भण्डारी, काभ्रे रोशी गाउँपालिका-७ का ३४ वर्षीया फूलमाया तामाङ, रोशी-६ का ७५ वर्षीय इन्द्रबहादुर झाँकी र रोशी-८ की ६० वर्षीया प्यारीमाया तामाङ रहेका छन्।
अन्य चार जनाको भने सनाखत हुन सकेको छैन। दुर्घटनामा १६ जना घाइते भएका छन्। उनीहरूको उपचार धुलिखेल अस्पतालमा भइरहेको छ।
बनेपाबाट सुँगुरे जाँदै गरेको बा३ ख ८३९८ नम्बरको बस दुर्घटना भएको हो। बस अनियन्त्रित भई सडकबाट करिब ३०० मिटर तल खसेको प्रहरीले जनाएको छ।
प्रहरीका अनुसार बसमा २४ जना सवार थिए।
प्रतिक्रिया