युनिकोड
गत भदौ २४ गते जेनजी आन्दोलनका क्रममा प्रहरी हिरासतबाट भागेका चार व्यक्ति ठूलो परिमाणमा लागुऔषधसहित पक्राउ परेका छन्।
लागुऔषध औषध नियन्त्रण ब्यूरोबाट खटिएको प्रहरी टोलीले चैत १७ गते लागुऔषध ट्रामाडोल ३५ हजार ५१६ क्याप्सुलसहित उनीहरूलाई छुट्टाछुट्टै स्थानबाट पक्राउ गरेको ब्युरोका प्रवक्ता एसपी दुर्गाराज रेग्मीले बताए।
काठमाडौँ महानगरपालिका २२ स्थितबाट नुवाकोटको शिवपुरी गाउँपालिका-६ ठेगाना भएका वर्ष ३५ को शुरेश तामाङलाई लागुऔषध ट्रामाडोल ३१ हजार ८०० क्याप्सुल सहित पक्राउ गरेको थियो।
सोही दिन काठमाडौँ २२ कै गणबहालबाट दोलखाको भिमेश्वर नगरपालिका ६ ठेगाना भएका वर्ष २२ को सन्जिव घिसिङलाई लागुऔषध ट्रामाडोल १ हजार ९९६ क्याप्सुल सहित पक्राउ गरेको एसपी रेग्मीले बताए।
यस्तै, सुन्धाराबाट धनुषा जिल्लाको जनकपुरधाम उपमहानगर पालिका ८ ठेगाना भएका वर्ष २२ को सुरेन्द्र कुमार रौनिहारलाई लागुऔषध ट्रामाडोल १ हजार १२० क्याप्सुल सहित पक्राउ गरेको थियो।
ब्यूरोकै प्रहरी टोलीले काठमाडौँ २१ भोटेबहाल स्थितबाट काभ्रेपलान्चोक जिल्लाको रोशी गाउँपालिका ९ ठेगाना भएका वर्ष २३ को रोहित राना मगरलाई लागुऔषध ट्रामाडोल ६०० क्याप्सुल सहित पक्राउ गरेको छ।
पक्राउमा परेका व्यक्तिहरू मध्ये रोहित राना मगर र सुरेश तामाङ यसभन्दा पहिले लागुऔषध ट्रामाडोल मुद्दामा पक्राउ परी अनुसन्धानको क्रममा रहेको अवस्थामा भदौ २४ गते जेनजी आन्दोलनका क्रममा जिल्ला प्रहरी परिसर काठमाडौँको हिरासतबाट भागी फरार रहेकोमा उनीहरू पुनः लागुऔषध ट्रामाडोल सहित पक्राउ परेका हुन्।
पक्राउमा परेका व्यक्तिहरू उपर लागु औषध (नियन्त्रण) ऐन, २०३३ (संसोधन सहित) बमोजिम काठमाडौँ जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ।
प्रतिक्रिया