कोरोनाबाट बेलायतमा अर्का पूर्व सैनिकको मृत्यु, बेलायतमा ज्यान गुमाउने नेपालीको संख्या ४५ पुग्यो

कोरोनाको संक्रमणबाट बेलायतमा थप एकजना पूर्व गोरखा सैनिकको मृत्यु भएको छ।

श्वासप्रश्वासको समस्या देखिएपछि १० दिन अघि मेडिस्टोन अस्पतालमा भर्ना गरिएका ७७ वर्षीय कर्णबहादुर राईको उपचारका क्रममा शनिबार निधन भएको लण्डनस्थित नेपाली दूतावासका प्रवक्ता शरदराज आरणले जानकारी दिए।

ताप्लेजुङ मैवाखोला स्थायी घर भई राई विगत तीन वर्षदेखि बेलायतको मेडिस्टोनमा श्रीमती, एक छोरा र एक छोरीसहित बस्दै आएका थिए।

हालसम्म बेलायतमा कोरोनाबाट मृत्यु हुने नेपालीको संख्या ४५ पुगेको छ।