मध्यराति कुपण्डोलमा कार र मोटरसाइकल ठोक्किए

ललितपुरको कुपण्डोलस्थित ज्वागल चोकमा गएराति कार र मोटरसाइकल ठोकिँदा तीन जना घाइते भएका छन्। 

मध्यराति थापाथलीबाट आएको प्रदेश ३-०२-००२ प ३५४५ नम्बरको मोटरसाइक र पुलचोकतर्फबाट आउँदै गरेको बा.१८ च ३४४७ नम्बरको कार आपसमा ठोक्किएका हुन्। 

दुर्घटनामा कार चालक र मोटरसाइकलमा सवार दुईजना घाइते भएका छन्। तीव्र गतिको कारण दुर्घटना भएको प्रत्यक्षदर्शीहरुले बताएका छन्।