झापामा भेटिएको शवको पहिचान खुल्यो

झापाको कनकाई नगरपालिका–४ कोटीहोमस्थित कनकाई माई खोलामा फेला परेको अज्ञात पुरुषको शवको पहिचान खुलेको छ।

आइतबार खोला डिलमा करिब ६०-६५ वर्ष उमेरको पहाडी मूलका जस्तो देखिने एक पुरुष घोप्टो अवस्थामा मृत फेला परेका थिए।

घटनापछि प्रहरीले प्रारम्भिक रूपमा मृतकको नाम, थर र ठेगाना खुल्न नसकेको जनाएको थियो।  मृतक इलाम नगरपालिका–१० गोदक निवासी करिब ७० वर्षीय गर्जमान तामाङ भएको प्रहरीले जनाएको छ। 
 
मृतकलाई उनका छोरा दावा तामाङले पहिचान गरेका हुन्।  शव प्रादेशिक मेची अस्पताल, भद्रपुरमा राखिएको प्रहरीले जनाएको छ।