कोरोना संक्रमितको संख्या २० लाख नजिक, एक लाख २० हजारको मृत्यु

मंगलबारसम्म १९ लाख ३६ हजार ६९७ जनामा कोरोना भाइरसको पुष्टि भएको जोन हप्किन्स विश्वविद्यालयले जनाएको छ।

हालसम्म कोरोनाका कारण १ लाख २० हजार ५६७ जनाको मृत्यु भएको छ। दैनिक कोरोना संक्रमित र मृतकको संख्या बढ्दै गएको छ।

विश्वव्यापी बनिसकेको कोरोनाले हाल अमेरिका, स्पेन, इटली, फ्रान्स, जर्मनी, बेलायत लगायतका मुलुक निकै प्रभावित छन्।

कोरोनाको उत्पत्तिस्थल चीनमा पछिल्लो समय कोरोनाको प्रभाव घ्टदै गएको छ। हालसम्म ४ लाख ५८ हजार ९९७ जना कोरोनाको उपचारपछि स्वस्थ भएका छन्। एजेन्सी