युनिकोड
११ महिनाभन्दा बढी कैद सजाय र २ करोड ७० लाख ८६ हजारभन्दा बढी रकम बिगो तथा जरिबाना तोकिएका व्यक्ति काठमाडौँबाट पक्राउ परेका छन्।
जिल्ला प्रहरी परिसर काठमाडौँले ठगी सम्बन्धी कसूरमा प्रतिवादी काठमाडौँ महानगरपालिका ३ घर भइ तारकेश्वर नगरपालिका ५ गोलढुङगा बस्ने ४६ वर्षका केदार अर्याललाई पक्राउ गरेको हो।
एक करोड २५ लाख रुपैयाँ बिगो रकम भएको ठगी सम्बन्धी कसूरमा अर्याललाई प्रहरीले पक्राउ गरेको हो। कागेश्वरी मनोहरा ६ बाट पक्राउ परेका उनलाई अदालतबाट म्याद लिएर अनुसन्धान अगाडी बढाइएको परिसरका प्रवक्ता एसपी अपीलराज बोहराले बताए।
उनीविरुद्ध यसअघि ५ वटा मुद्दामा अदालतबाट ११ महिना ८ दिन कैद र १ करोड ४५ लाख ८६ हजार ९ सय ५० रुपैयाँ जरिवानाको फैसला भएको अभिलेखबाट खुलेको छ।
प्रतिक्रिया