सरकार र आन्दोलनरत चिकित्सकका प्रतिनिधिबीच स्वास्थ्य मन्त्रालयमा वार्ता

नेपाल सरकार र आन्दोलनरत चिकित्सकका प्रतिनिधिबीच वार्ता सुरु भएको छ। वार्ता स्वास्थ्य तथा जनसंख्या मन्त्रालयमा सुरु भएको हो। 

वार्तामा सरकारको तर्फबाट कानुन, न्याय तथा संसदीय मामिलामन्त्री अजयकुमार चौरसिया, उद्योग वाणिज्य तथा आपूर्ति मन्त्री दामोदर भण्डारी र स्वास्थ्य तथा जनसंख्यामन्त्री प्रदीप पौडेल सहभागी छन्। 

त्यस्तै चिकित्सकका तर्फबाट नेपाल चिकित्सक संघका अध्यक्षसहित चिकित्सकहरूसँग सम्बन्धित विभिन्न संगठनका नेतृत्व पनि सहभागी छन्।  

यसअघि आजै दिउँस‍ो यस विषयमा तीन मन्त्रीले छलफल गरेका थिए। उक्त छलफल पछि चिकित्सकहरूसँगको अहिलेको वार्ता तय भएको थियो।