युनिकोड
बागमती प्रदेश सरकारले बुधबार सार्वजनिक बिदा दिने निर्णय गरे पनि उच्च अदालत पाटन र उपत्यका भित्रका मातहतका अदालत बन्द नहुने भएका छन्। उच्च अदालत पाटनले मंगलबार अदालत खुला रहने सूचना जारी गरेको हो।
सरकारी कामकाजको भाषासम्बन्धी दिवसको अवसरमा बागमती प्रदेशभर सार्वजनिक बिदा दिने भनि बागमती प्रदेश सरकार, आन्तरिक मामिला तथा कानून मन्त्रालयले सोमबार निर्णय गरेको थियो। तर काठमाडौँ उपत्यकाको हकमा गृह मन्त्रालयले निर्णय गरे बमोजिम हुने भएकाले बिदा नहुने पाटन अदालतको निर्णय छ।
‘यस अदालत र काठमाडौँ उपत्यकाभित्रका यस अदालत मातहतका अदालतहरु समेत खुला रहने बेहोरा सम्बन्धित सबैको जानकारीका लागि यो सूचना प्रकाशित गरिएको छ,’ उच्च अदालतको सूचनामा उल्लेख छ।
प्रतिक्रिया