हरेक २ मिनेटमा एक आमाको मृत्यु: विश्व स्वास्थ्य संगठन

विश्व स्वास्थ्य संगठन (डब्लुएचओ)ले नेपालमा मातृ मृत्युदर घटेको जनाएको छ। संगठनले सन् २००० देखि २०२३ सम्ममा ७१ प्रतिशतले मातृ मृत्युदर कम भएको जनाएको हो। 

मातृ मृत्युदर प्रवृत्ति अनुसन्धानले १ लाख जीवित जन्ममा १४२ जना महिलाको मृत्यु हुने गरेको  देखाएको छ । 

अध्ययनले नवजात शिशु मृत्युदरसमेत घटेको देखाएको छ। नवजात शिशु मृत्युदर प्रतिएक हजार जीवित जन्ममा १६ रहेको छ। मृत जन्मदर १ हजार जन्ममा १३ रहेको छ। 

डब्लुुएचओले नेपालमा आमा र नवजात शिशुको स्वास्थ्यमा सुधार आए पनि विश्वभर भइरहेको सहायता कटौतीको कारण प्राप्त उपलब्धिहरू जोखिममा पर्न सक्ने जनाएको चेतावनी दिएको छ।