युनिकोड
आठ टन स्वास्थ्य सामग्रीसहित चिनियाँ टोली बिहीबार इटली अवतरण गरेको सिन्ह्वाले जनाएको छ।
यसअघि दुईपटक चीनले इटलीमा कोरोना नियन्त्रण गर्न विज्ञ खटाइसकेको छ। त्यसबेला पनि चीनले इटलीमा हालको जस्तै स्वास्थ्य सामग्री उपलब्ध गराएको थियो।
अहिलेको टोलीमा भने १४ जना स्वास्थ्य विज्ञहरु इटली पुगेका छन्। इटली हाल कोरोनाले सबैभन्दा बढी ग्रस्त बनेको छ।
त्यहाँ मृतक दर घट्ने अवस्थामा छैन। हालसम्म इटलीमा ७४ हजार ३८६ कोरोनाबाट बिरामी बनेका छन्। ७ हजार ५ सय ३ को मृत्यु भइसकेको छ।
इटलीको मृतक संख्या चीनमा भन्दा दोब्बर हो। चीनमा ८१ हजार कोरोना संक्रमित छन्। हालैका दिनमा चीनमा कोरोनाको प्रभाव घट्दै गएको छ।
आफ्नो देशमा कोरोनाको प्रभवा घट्दै जाँदा चीनले इटलीमा कोरोना नियन्त्रण गर्न आफ्नो टोली खटाएको हो।
प्रतिक्रिया