लुक्लामा अलपत्र परेका पर्यटक लिन तारा एअरले विमान त्यसतर्फ पठाएको छ।
कोभिड १९ को संक्रमणबाट बच्न नेपाल सरकारले उच्च सतर्कता अपनाउँदै ‘नेपाल लकडाउन’ गरेपछि २ दिनदेखि लुक्लामा १४ जना फ्रान्सेली पर्यटक अलपत्र परेका हुन्।
यती एअरलाइन्सको भगिनी संस्था तारा एअरले उनीहरुको उद्धारको लागि आज जहाज पठाएको जानकारी दिएको हो।
काठमाडौंस्थित फ्रान्सेली दूतावासले आफ्ना नागरिकहरुको उद्धारका लागि संस्कृति, पर्यटन तथा नागरिक उड्डयन मन्त्रालयमा पत्राचार गरेपछि उद्धार गर्न निजी वायुसेवा कम्पनी तारा एअर तयार भएको हो ।
तारा एअरको १८ सिट क्षमता भएको ट्वीन ओटर विमान त्रिभुवन विमानस्थलबाट १ बजे लुक्लातर्फ प्रस्थान गरिसकेको कम्पनीले जनाएको छ।
प्रतिक्रिया