युनिकोड
नेपाल बार एसोसिएसनमा सरकारी पक्षीय कांग्रेस-एमालेले गठबन्धन बनाएपछि प्रतिपक्षी दल एकै ठाउँ उभिएका छन्।
अध्यक्ष पदमा माओवादीनिकट रमण श्रेष्ठ उम्मेदवार बन्ने भएका छन्। उनको प्रस्तावक वरिष्ठ अधिवक्ता शम्भु थापा छन्। समर्थकमा वरिष्ठ अधिवक्ता सुशील पन्त छन्।
महासचिवमा राष्ट्रिय स्वतन्त्र पार्टीनिकट यज्ञमणि न्यौपानेले उम्मेदवारी दिँदैछन्। एकीकृत समाजवादीले उपाध्यक्ष पद लिएको छ।
त्यस्तै सत्तागठबन्धन नेपाली कांग्रेस-नेकपा एमालेले पनि गठबन्धन खडा गरेको छ। उक्त गठबन्धनबाट अध्यक्षमा नेपाली कांग्रेसनिकट डीएलएका विजयप्रसाद मिश्र र महासचिवमा एमालेनिकट पीपीएलएका केदार कोइरालालाई उम्मेदवार बन्दैछन्। मिश्र नेपाल बारका पूर्वमहासचिव हुन्।
आउँदो चैत २३ गते बारमा २५ सदस्यीय नयाँ कार्यसमिति चयनका लागि मतदान हुँदै छ।
आज बिहीबार बिहान ११ बजेदेखि साँझ ३ बजेसम्म उम्मेदवारी दर्ता गर्ने तालिका निर्वाचन समितिले सार्वजनिक गरेको छ।
प्रतिक्रिया