जाजरकोटमा टिपर दुर्घटना हुँदा यात्रुको मृत्यु, सहचालक घाइते

जाजरकोटको छेडागाड नगरपालिका–११ सिम्लेखोलास्थित सडकमा भे.१ क १०५५ नम्बरको टिपर दुर्घटना हुँदा एकजनाको ज्यान गएको छ।

मंगलबार बिहान भएको सो दुर्घटनामा टिपरमा सवार दाङ तुल्सीपुर उपमहानगरपालिका–३ बस्ने ४२ वर्षीय हरि प्रसाद भट्टराईको मृत्यु भएको प्रहरीले जनाएको छ।

दुर्घटनामा गम्भीर घाइते भएका उनको नगर अस्पताल दल्लीमा उपचारको क्रममा मृत्यु भएको हो।

साथै दुर्घटनामा घाइते भएका टिपरका सहचालकको मध्यपहाडी सामुदायिक अस्पतालमा उपचार भइरहेको छ भने चालकलाई थप उपचारको लागि नेपालगञ्जतर्फ पठाइएको छ।