युनिकोड
काठमाडौँको चोभारमा रहेको एउटा कबाडी संकलन केन्द्रमा आगलागी भएको छ।
आज बिहान कीर्तिपुर नगरपालिका- ६ चोभारमा रहेको एउटा कबाडी गोदाममा आगलागी भएको कीर्तिपुर प्रहरीले जनाएको छ।
अहिले आगलागी नियन्त्रणको प्रयास चलिरहेको छ। आगलागी नियन्त्रणमा काठमाडौँ महानगरपालिकाका २ वटा र ललितपुर महानगरपालिकाको एउटा बारुणयत्र परिचालन गरिएको छ।
घटनास्थलमा नेपाल प्रहरी र शसस्त्र प्रहरी खटिएका छन्। दुईजनाको सहकार्यमा सञ्चालित कबाडी गोदाममा बिहान करिब सात बजदेखि आगलागी सुरु भएको हो।
अहिले आगो ७५ प्रतिशत नियन्त्रणमा आइसकेको घटनास्थलमा रहेका एक प्रहरी इन्सपेक्टरले नेपालखबरलाई जानकारी दिए। क्षतिको विवरण संकलन गर्न बाँकी रहेको उनले बताए।
हेर्नुहाेस् थप तस्बिर
प्रतिक्रिया