युनिकोड
नेपाली सेनाका सहायक रथी प्रेमबहादुर पुन उपरथीमा बढुवा भएका छन्।
शान्ति कार्य निर्देशनालयमा कार्यरत सहायक रथी पुनलाई बढुवा गर्न सेनाले मन्त्रिपरिषद्मा सिफारिस गरेको थियो।
मंसिर १६ गते उपरथीमा बढुवा गर्ने निर्णय मन्त्रिपरिषद् बैठकले गरेको हो।
उनलाई बुधबार प्रधान सेनापति अशोकराज सिग्देलले जङ्गी अड्डामा दर्ज्याही चिह्न प्रदान गरेका छन्।
उपरथी बाबुराम श्रेष्ठ कात्तिक १ गते अवकास भएपछि रिक्त स्थानमा पुनलाई बढुवा गरिएको हो। यसअघि २०७७ असारमा पुन सहायक रथीमा बढुवा भएका थिए।
नेपाल सेनामा अर्को पनि उपरथी पद रिक्त छ।
प्रदीपजंग केसी रथीमा बढुवा भएपछि रिक्त स्थानमा पनि बढुवाको तयारी गरिएको छ।
उक्त स्थानमा सहायक रथी नहकुल रायमाझीलाई बढुवा गर्ने तयारी छ।
प्रतिक्रिया