काठमाडौँको न्यूनतम तापक्रम स्थिर

काठमाडौँ उपत्यकाको न्यूनतम तापक्रम स्थिर बसेको छ। 

मौसम पूर्वानुमान महाशाखाको रेकर्डअनुसार उपत्यकाको न्यूनतम तापक्रम हिजो सोमबार जति थियो, आज मंगलबार पनि त्यत्तिमै स्थिर रहेको हो।

अर्थात् काठमाडौँ उपत्यकाको तापक्रम सोमबार र मंगलबार दुवै दिन १३.८ सेल्सियस डिग्री देखिएको हो। 

यही अक्टोबर १२ का दिन मनसुन बिदा भई पोस्ट मनसुन सुरु भएयता काठमाडौँ उपत्यकासहित देशभर तापक्रम घट्दो र चिसो बढ्दो छ।

हेर्नुहोस् आजको न्यूनतम तापक्रम र हिजोको अधिकतम तापक्रमको विवरण-

  

मौसमविद्का अनुसार २४ घण्टामा सबैभन्दा बढी तापक्रमलाई अधिकतम र सबैभन्दा कम  तापक्रमलाई न्यूनतम तापक्रम भनिन्छ।

न्यूनतम सामान्यतया हरेक बिहान ८:४५ बजे र अधिकतम तापक्रम साँझ ५:४५ बजे मापन हुने गर्छ। तसर्थ आजको अधिकतम तापक्रम भने भरे साँझ ५:४५ बजे मात्र सार्वजनिक हुनेछ।

• देशैभरिको मौसम बदली, ३ प्रदेशका केही भूभागमा वर्षा हुँदै